Marcadores

Marcadores

4/30/2018

A dialectoloxía galega

Aquí vos deixo o póster dixital no que  participou o alumnado do 2º IES Pazo da Mercé.

LG_Dialectoloxía

Parabéns ao alumnado!


Os bloques dialectais

Neste mapa conceptual podedes ver as características dos tres bloques dialectais da lingua galega.

Dialectoloxía

3/23/2018

Libros de lectura. 3ª avaliación. 2 ESO

Na segunda avaliación podes escoller entre un destes tres libros. Aquí tes os títulos e unha breve descrición da súa trama.

Manuel Lourenzo
Flor de area de M. Lourenzo. Se gustaches de Irmán do vento, podes continuar esta temática. Velaquí a sipnose que fai a editorial Galaxia.
"Son Amrah ben Dimas Ber Suhila al Targ, koblai por parte de nai, da tribo de Mastuq, e siria de Halab por parte de…» Flor de area é a historia dunha moza iraquí que, destinada a ser a doce esposa dun persoeiro principal, se atreveu a rachar coa inercia para exercer de muller, de nai, de traballadora, de amante, de patriota, na cerna dunha sociedade conservadora e baixo a opresión da dominación estranxeira. Obra que continúa o relato comezado en Irmán do vento (Xerais, Premio Merlín 2003), Flor de area é tamén a crónica dunha vivencia da guerra desde o lado dos outros."

 
Viaxe ao centro da terra de Jules Verne é un clásico da literatura universal. A tradución ao galego realizouna Valentín Arias. Atoparala na editorial  Xerais, na colección Xabaril.
"O profesor Otto Liddenbrock viaxa ao centro da Terra guiado por un misterioso pergamiño do século XII, do sabio islandés Arne Saknussem. Na aventura acompáñano o seu sobriño Axel e o guía Hans. Os tres entran por un volcán cara ao interior da Terra, onde sufrirán unha serie de peripecias e descubrirán un asombroso mundo mesozoico enterrado nas profundidades. É unha das novelas máis imaxinativas de Jules Verne, na cal transcende o seu habitual apego ao científico para describir a posibilidade dun mundo alternativo primitivo baixo os nosos pés. Hai incluso quen pretende ver claves esotéricas nos argumentos e personaxes, aspecto simbólico que posiblemente nunca sexa descifrado por completo."


Cartas de inverno, outro clásico da literatura xuvenil, obra de Agustín Fernández Paz. 

"O escritor Xabier Louzao volve a Galicia, tras unha longa estancia en Quebec, e encóntrase coas cartas que, durante a súa ausencia, lle foi enviando o seu amigo Adrián, un famoso pintor. Nelas, Adrián fálalle con entusiasmo da súa nova casa, un antigo e illado edificio onde agora reside, tras unha completa reforma. Pouco a pouco, o ton das cartas vai adquirindo unha progresiva inquietude, que desemboca nun terror manifesto ante os estraños acontecementos que, segundo Adrián, suceden na mansión. Xabier decide acudir en axuda do seu amigo e viaxa ata o lugar onde se encontra a casa.
Novela desenvolvida mediante a forma epistolar, a través de diversas voces narradoras que, como bonecas rusas, se van sucedendo ao longo do libro. Unha novela de terror, ben estruturada e narrada con bo pulso, na que destaca a lograda progresión do relato, que gaña intensidade e misterio a cada páxina."


As cŕonicas de Landereina. Libro III. Sangue de Lúa, de Sabela González. 



Aquelas persoas que queira continuar coa trioloxía de As crónicas de Landereina, aquí teñen o terceiro libro! 

"Sinopse: Coa apócema de destrución da Pedra de Lúa xa nas súas mans, Berenguela e Güenaela deben escapar da illa dos sabios para dar chegado á capital de Landereina e rescatar ao príncipe Ohn. Alí, a traidora segue a gañar terreo, aterrorizando o reino e sen ceder na súa procura de todos os anacos do amuleto máxico que lle conferirá o máximo poder co que levar a cabo o seu tiránico goberno.
O castelo semella distante mentres os problemas seguen a xurdir no seu camiño, mais Berenguela e Güenaela non decansarán ata xuntar o sangue dos Gheiroez elixidos, pois só así poderán destruír a Pedra de Lúa e derrotar á malvada Maëriss para poñer a salvo, por fin e para sempre, o reino de Landereina." (http://www.sabelagonzalez.com/p/as-cronicas-de-landereina_10.htmlhttp://www.sabelagonzalez.com/p/as-cronicas-de-landereina_10.html)

Datas da 3ª avaliación


O primeiro agora é descansar e volver con forzas para afrontar o terceiro e último trimestre!

Facemos públicas aquí as datas das probas que se realizarán neste último trimestre:
  • 11 de abril: recuperación da 2ª avaliación
  • 18 de abril: libro de lectura
  • 16 de maio: 1ª proba 
  • 6 de xuño: 2ª proba
  • 13 de xuño: recuperación da 3ª avaliación
  • 20 de xuño: recuperación para aquel alumnado que tendo só UNHA avaliación suspensa non lle dea a media para superar a materia.
Aquel alumnado que ten pendente a materia de LG de 1º ESO as datas que deben ter en conta son:
  • 4 de maio: entrega dos traballo do alumnado que ten pendente a LG de 1º ESO.
  • 9 de maio: proba de pendentes de 1º ESO.

3/14/2018

Os termos matemáticos tamén en galego

O Dicionario da RAG acaba de incorporar máis de 150 termos relacionados coa Matemática. Así dá conta a nova publicada polo Portal da Ciencia en Galego.
Para accederdes a toda a información podedes premer no enlace da noticia: Pi, óvalo, grafo...Estes son o 168 novos termos matemáticos no dicionario da Academia.

"O dicionario en liña da Real Academia Galega conta desde hai uns días con 168 termos matemáticos, ben actualizados ou ben de nova incorporación, que veñen a enriquecer o léxico da ferramenta de consulta na rede. Pi, óvalo, grafo ou hexadecimal son algunhas das novas entradas. O traballo desenvolvérono o Seminario de Lexicografía da institución académica e un equipo de dez expertos das tres universidades galegas, o Instituto Galego de Estatística e
o ensino medio."

Lembra que o Dicionario da RAG está dispoñible na rede no enderezo academia.gal

12/24/2017

Boas festas!

Non todo vai ser estudar e traballar! Tamén hai tempo para o lecer, co tal tamén se aprende moitísimo. Pasédeo moi ben e tede tino, non vaia ser que o Apalpador non se lembre de vós!


12/08/2017

Datas das probas da 2ª avaliación. 2º ESO

Para irmos organizando xa a 2ª avaliación, lembra que as datas das probas serán as que seguen:

10 de xaneiro: proba do libro de lectura.
17 de xaneiro: recuperación da 1ª avaliación.
7 de febreiro: 1ª proba da 2ª avaliación
7 de marzo: 2ª proba da 2ª avaliación