Marcadores

Marcadores

12/09/2014

O galego perde falantes. MÚDAO!


Sin título-1
O IGE vén de publicar unha enquisa con datos sobre os usos lingüísticos da cidadanía galega e neles confírmase o que se está a constatar desde distintos ámbitos: o descenso do número de falantes. Mais iso non é casual, moitos son os factores que favorecen ou, polo menos, non deteñen ese feito: a redución da presenza da lingua galega no ensino, a ausencia dunha política lingüística comprometida coa nosa lingua, etc.
Segundo os datos desta enquisa, o galego é só maioritario nas persoas maiores de 50 anos e entre os rapaces e as rapazas de 15 a 14 anos o uso da lingua galega reduciuse a un 15 % e, entre os 15 e 29 anos, ao 37 %.

De moitas persoas e da administración depende que estes datos muden, mais non só. DE TI TAMÉN DEPENDE.

Para teres máis información podes acceder á análise dos datos que fan distintos xornais galegos:
Praza pública.
Sermos Galiza.
Galicia confidencial.

11/28/2014

Chévere, Premio Nacional de Teatro. Parabéns!


O teatro galego está de noraboa! Vénselle de conceder o Premio Nacional de Teatro a Chévere e recoñecer, así, o seu labor a prol do teatro.
Destes xeito dába a noticia o xornal Sermos Galiza:

"Esta cuarta feira (26 de Novembro) Chávere foi galardoado co 'Premio Nacional de Teatro' concedido polo Ministerio de Educación español. Así o vén de comunicar o xurado que salientou a "coherente traxectoria de creación colectiva baseada en fontes de teatro documento e na transgresión de xéneros"
Así mesmo, destacan a conexión das súas obras coa "realidade social e económica" galega e mesmo internacional, como reflicten Citizen, Eurozone ou Ultranoite no País dos Ananos. Neste senso, o xurado subliña "o achegamento" que desenvolveu Chévere "do teatro a distintos colectivos sociais e ao ámbito pedagóxico" pulando pola "participación cidadá". 
A compañía leva 25 anos facendo teatro da man de Miguel de Lira, Patricia de Lorenzo, Xron e Manuel Cortés."

Por se queredes rir un anaco, aquí podedes ver un anaco dunha representación súa ou entrar directamente na súa páxina http://redenasa.tv/.

10/27/2014

Falece a escritora Begoña Caamaño














A escritora Begoña Caamaño falecía esta tarde en Santiago de Compostela. Na nosa memoria sempre ela e a súa obra.



Así nos informaba da noticia o xornal Sermos Galiza esta tarde:

Morre Begoña Caamaño, a voz lila da literatura galega.


Con dúas novelas Circe o pracer do azul e Morgana en Esmelle, a xornalista Begoña Caamaño deuse a coñecer como escritora e conseguiu en só tres anos unha linguaxe propia que a situou entre os principais nomes da literatura dos nosos días. Confesábase herdeira das mulleres contadoras de historias, das avoas que non eran quen de poñelas por escrito, o que ela facía maxistralmente, conseguindo o aplauso de lectoras e lectores e da crítica que, en pouco tempo, lle otorgou premios como o Ánxel Casal, o premio da AELG, o Losada Diéguez ou o da Crítica da narrativa galega. 
Begoña Caamaño faleceu esta segunda feira no Hospital Clínico de Compostela após loitar durante tres anos contra o cancro.
Feminista, como ela se presentaba, non dubidaba en imprimirlle tamén a cor lila á súa obra
Feminista, como ela se presentaba, non dubidaba en imprimirlle tamén a cor lila á súa obra e defendía a súa proposta literaria con entusiasmo. "Antipatriarcal e feminista", dicía cando lle preguntaban polas súas novelas. "Quero ser honesta co meu público. Isto é o que hai. A miña maneira de ver o mundo é a dunha persoa galega e feminista. Non podería ser outra. Tentalo sería unha farsa. Non só non me asusta que me etiquete senón que xa o anuncio para que quen se achegue á miña obra saiba con que se vai atopar", dicía nunha entrevista con Sermos Galiza o pasado ano, cando gozaba co grande suceso da súa segunda novela, Morgana en Esmelle. 
A xornalista dos mitos
"Pretendo coa miña obra ofrecer vimbios para facer un cesto novo, cun discurso contra o poder"
De profesión xornalista, Begoña Caamaño traballaba na Radio Galega desde 1989, primeiro na delegación de Vigo -a cidade na que naceu hai cincuenta anos- e despois na sede en Compostela, nas seccións de sociedade e cultura, nesta última participando en distintos programas, un deles, o Diario Cultural da súa amiga e tamén escritora Ana Romaní. 
No ámbito literario presentouse "de maneira serodia", como ela dicía, máis con intensidade e cunha voz propia que a levaba a revisitar en clave feminista e contemporánea os mitos clásicos. Fuxía da actualidade, comentaba, aquela que a desesperaba na súa faceta de xornalista. "Pretendo coa miña obra ofrecer vimbios para facer un cesto novo, cun discurso contra o poder. Trátase de reivindicar a responsabilidade. Eu non vivo soa no mundo, o que fago, desde o propio consumo cotiá, ten consecuencias, tamén para outras persoas e diso teño que ser consciente", comentaba. 
"Considero o feminismo como un humanismo global. Poñer as gafas lilas é poñerte na pel de quen padeceu a exclusión, non falar desde a historia narrada polos vitoriosos, senón de quen sufriu a exclusión por ser considerad@ menor e secundari@", defendía Begoña Caamaño, da súa maneira activista de situarse no mundo. 
O principal trazo do seu carácter era a alegría. A súa cor, o lila. Quería ser unha boa persoa e vivir nunha Galiza liberada. Na poesía, gostaba de Ana Romaní e na música de Uxía, dúas grandes amigas. Odiaba o fascismo e a intolerancia e agardaba morrer durmindo, sen dor. As respostas de Begoña Caamaño ao Cuestionario Proust que lle propuxo o crítico Ramón Nicolás axudan agora a trazar o perfil da súa personalidade. Das súas amizades agardaba que a quixeran tanto como ela as quería e o lema da súa vida era "canto máis feliz sexan os demais, máis feliz serei eu". As amizades ás que tanto quería e as que buscaba facer felices senten agora a morte da escritora para a que a alegría era o seu estado de ánimo máis habitual. 

Dialectoloxía galega


Aquí tedes varios vídeos sobre diferentes fenómenos dialectais:



10/26/2014

Orgullosos da gheada e do seseo





A gheada e o seseo sempre estiveron acompañados de prexuízos. A xente destas zonas dialectais viuse ridiculizada durante séculos e, en moitos casos, séguese vendo por empregar estas variantes tan propias da nosa lingua.



Neste vídeo podes ver como mozas e mozos rianxeiros reivindican o seu dereito a empregar estas variantes dialectais recoñecidas pola RAG como propias da lingua estándar oral.



E veña, a manter as nosas variantes!

10/24/2014

Dicionario de sinónimos en rede

No Portal das palabras podedes acceder ao Dicionario de sinónimos, o cal vos pode ser de grande interese á hora de elaborardes os vosos textos.

Aquí vos vai a captura de pantalla cos sinónimos do verbo que lle dá nome a esta blog: achanzar.


Un vídeo sobre dúbidas léxicas: cortar e acurtar.


10/19/2014

O substantivo e o adxectivo



Aquí vos deixo unha presentación sobre o substantivo e o adxectivo. Espero que vos sirva para repasar ou preparar a materia.

TWITTER


Android na nosa lingua

Xa non tes escusa!!!! O Android xa está dispoñible en lingua galega.

Segundo se recolle nesta noticia do xornal Sermos Galiza, xa dispoñemos do Android na nosa lingua, festexémolo!

"Mallando no Android informou esta cuarta feira (15 de outubro) que a lingua galega foi incluída na última versión do sistema operativo móbil. A iniciativa deste colectivo, responsábel do portal web de información tecnolóxica e do que é editor o colaborador deSermos Galiza, Iago Varela, Android incorporou o galego que xa se pode atopar nos trebellos Nexus, os dispositivos móbeis que comercializa Google. 
"É cuestión de meses que todas e todos teñamos esta posibilidade nos nosos smartphones e tablets", afirman desde Mallando no Android que se parabenizaron por ter logado en pouco máis dun ano que a lingua propia de Galiza estea disponíbel en Android.
"É cuestión de meses que todas e todos teñamos esta posibilidade nos nosos smartphones e tablets"
"Co galego como lingua oficial en Android, os desenvolvedores téñeno moito máis doado para adaptar as súas aplicacións á nosa lingua, e para os usuarios todo será moito máis transparente, xa que non teremos que andar fedellando  nos diferentes menús de cada vez que queiramos ter unha app na nosa lingua", sinalan nun comunicado pendurado na súa páxina web. 
Durante a campaña iniciada en outubro de 2013, #AndroidEnGalego, Mallando no Android recompilou máis de 4.300 sinaturas e o apoio de múltiples colectivos e empresas galegas que apostaron na presenza da lingua galega tamén nos operativos móbeis."

Doentes



Para aquelas persoas que aínda non puideron gozar deste filme baseado na obra do mesmo título, Doentes, do gran dramatugo galego Roberto Vidal Bolaño. Ademais, permítenos ver actuar o gran "Pico".... Espero que vos agrade!

10/13/2014

A situación do galego vista polo Carrabouxo




E ti que cres? Veña, móllate!

Por que os meses teñen os nomes que teñen?

Aquí vos deixo un interesante vídeo no que  o profesor Ferro explica a orixe dos nomes dos meses do anos. Descubriredes, ademais, que estamos no oitavo mes do ano. Si, lestes ben!

3/26/2014

Historia da lingua galega.

Nesta última parte do curso, os de 2º da ESO ides realizar exposicións sobre a distintas etapas da Historia da lingua galega.
Para que vos poidades informar e organizar os vosos traballos aquí vos deixo unha serie de enlaces que poden ser de grande utilidade. 
Pero se o primeiro que queredes é escoitar un cantar de cego, aquí o tedes...


Historia da lingua galega.
Páx. web
http://www.xunta.es/linguagalega/historia_da_lingua
http://galego.org/historia7.html
http://centros.edu.xunta.es/iesoteropedrayo.ourense/dptos/gal/materiaisdidacticos.htm
http://cadernodelingua.wordpress.com/2007/12/06/as-linguas-peninsulares-a-lingua-na-idade-media/
http://issuu.com/ratomik/docs/historia_da_lingua
http://www.consellodacultura.org/arquivos/cdsg/loia/historia_pr.php?idioma=1&seccion=34
http://www.staki.com/matuquin/index.htm
Existen unha serie de blogs interesantes:
http://galegodaestacion.blogspot.com.es/2012/10/historia-basica-da-lingua-galega.html
http://trafegandoronseis.blogspot.com.es/2010/06/historia-da-lingua-galega.html
http://galegoparatic.blogspot.com.es/2013/10/historia-da-lingua-galega.html
http://moradiasdovento.blogspot.com.es/p/historia-da-lingua-e-sociolinguistica.html
http://cadernodelingua.wordpress.com/lingua-e-sociedade/

E para comezar... creo que xa vos vai ben... A partir de aquí, podedes ir ampliando vós por se o precisades.

1/25/2014

O mellor que temos para quen máis queremos...


Biografía de Castelao en banda deseñada

Despois de pór en imaxes alguns dos máis emblemáticos relatos de Castelao, agora chégalle a hora á súa biografía con Inacio e Iván Suárez como guionista e ilustrador respectivamente.


Aquí reproducimos o inicio da noticia:


"Cando hai algúns meses falamos do triunfo do xénero biográfico na novela gráfica, aínda non sabiamos que a figura máis mítica da historia galega tamén contaba coa súa propia vida en versión  cómic. Trátase de Alfonso Daniel Rodríguez Castelao, quen pronto terá 8 volumes adicados a contar a súa historia (de momento van tres publicados) da man de Inacio (guionista) e Iván Suárez (ilustrador).
É Castelao unha figura poliédrica, da que moito coñecemos, da que moito limos (polo menos na escola), pero da que sempre queremos saber máis. Quen tivese podido, nos tempos de colexio, ler unha novela gráfica coma estas para axudarnos a lembrar toda aquela profusión de datas, títulos e informacións varias. E sen embargo, estes cómics da vida de Castelao van moito máis alá do instrutivo, constituíndose nunha obra de arte por si mesmos."

Para a veres completa, podes premer no seguinte enlace: A vida de Castelao, una biografía en viñetas.